Lengadocian
Gascon
Lemosin
Vivaro-Aupenc| >>Acuèlh | >>Lenga viva | >>Détail |
Viatge en Aquitània
Gric de Prat
Un viatge de mots e de musica
 |
Un viatge de mots e de musica, ont se mesclan aires del repertòri barròc occitan, cançons popularas, contes e musicas de uèi, cants dels sègles 16 e 17. Se pòt notar « La Margarita », cant en gascon de Charles Tessier, musician de la Cort d'Enric IV ; l' Adagio d'una sonata de Paul Gaviniès, compositor bordeles del sègle 18... O encara un cant popular gascon, « lo torrin », sopa prepausada als nòvias lo sèr de las noças ; sens oblidar lo plan conegut « Curè deu Casterà » que sap jogar de la guitarrà, o « Lo Petit Jan », conte tradicional revistalhat per Eric Roulet. En mai, es amb plasèr que tornam trapar d'aires fòrça bels tirats de « Daphnis et Alcimadure », del compositor narbonés, J.-Joseph Cassanea de Mondonville, que sa familha veniá de Bordèu. Aquel operà cantat en lengadocian foguet creat davans lo rei Loís XV en 1754. Se deu de solinhar lo trabalh d'arrengament musical e de composicion d'Eric Roulet, a costat d'una formacion de 4 musicians que nos fan passejar en Occitània. |
