Lengadocian
Gascon
Lemosin
Vivaro-Aupenc| >>Acuèlh | >>Lenga viva | >>Détail |
Jan de tròp (espectacle)
La Rampe - TIO
E se la mòrt èra vòstra mairina ...Un còp i aviá un òme e una femna qu'avián un tropèl d'enfants. E veniá enquèra de tombar un autre aucelon dins aquel niu dejà tròp claufit! Era de tròp, lo sonèron Jan de Tròp.
 |
Lo paire partiguèt pels camins per trobar quauqun de juste per pairinar o mairinar son dròlle... "- Pus juste que ieu, trobaràs pas! Soi la Mòrt." Es aital que Jan de Tròp recebèt per mairina la Mòrt, que faguèt d'el un mètge famós! Perque el sol, ajudat de sa mairina-assistenta, podiá dire de segur se lo malaut gaririá o se sa mairina l'emportariá... Un espectacle bilingüe Francés / Occitan per la companhiá La Rampe TIO - Teatre Interegional Occitan Aqueles qu'an ausit Teresa Canet dins sos espectacles an poscut pesar las qualitats literàrias d'aquela femna, contaira, autor, poëtessa... A capitat de menar lo conte e la tradicion orala cap a una forma artistica originala. Lo trabalh complit sus aquel espectacle espròva los axes essencials portats pel conte e pel teatre : - lo jòc masquetat que presidís a la ronda dels còs - las pòrtas de la vida, simbòls del passatge d'un mond a l'autre - la lantèrna magica, luòc de las ombras, de la correguda del temps e del règne de las sasons - lo lièch, luòc de las intimitats - la musica e las cançons... tot aquò permet de navegar dins l'espectacle entre real e invesible, truculéncia e poësia. Es la fonccion essenciala del conte, d'armar per las espròvas de la vida. Es particularament verai amb Jan de Tròp. |
